Музей-запаведнік “Нясвіж”, Музычны Дом “Класіка” (#MuzzicDom) і кампанія Shukaj.by запрашаюць вас на Першы гістарычны тэатралізаваны Квэст “Дванаццаць апосталаў” у палацы Радзівілаў.
Квэст пабудаваны вакол таямнічай гісторыі пра статуі дванаццаці апосталаў, якіх Радзівілы схавалі некалькі стагоддзяў таму. Музычна-тэатральны, інтэрактыўны, пазнавальны квэст дасць магчымасць вам дакрануцца да гісторыі тых апосталаў, а можа і разгадаць усе таямніцы мінулых часоў, звязаныя з імі.
Квэст – гэта ўнікальная магчымасць самастойна пабываць у незвычайных месцах палаца, куды немагчыма патрапіць разам з экскурсіяй – сутарэнні, вежы, валы. Ён ахоплівае часы Вялікага княства Літоўскага і Рэчы Паспалітай. Падчас розных узроўняў гульні вы сустрэнеце Пане Каханку (ролю выконвае Юрый Жыгамонт, “Падарожжы дылетанта”), пройдзеце выпрабаванні ў Радзівіла Рыбанькі, убачыце і пачуеце Марыю Дароту з роду дэ Кастэлян (ролю выконвае Маргарэта Ляўчук), і магчыма сустрэнецеся з іншымі гаспадарамі і прывідамі палаца.
Ва ўнутраным дворыку палаца вас чакаюць тэатральная дзея, удзельнікам якой вы зможаце стаць, музыка ад брас-квінтэта “Няміга”, прысмакі, гульні і сяброўская атмасфера.
26 верасня пачатак у 15.00.
Квэст прадугледжвае ўдзел асобных каманд, колькасць гульцоў каманды ад 1 да 7 чалавек.
Пачынаць гульню вы можаце ў любы час з 15.00 да 18.00 гадзін.
Неверагодныя прыгоды Квэста – гэта незабыўныя восеньскія выходныя і энергетычны драйв. А перш-наперш не забывайцеся каля палаца знайсці жабрака.
Квэст адбудзецца пры падтрымцы Турысцкай кампаніі “Віаполь”, а таксама ŠKODA ў Беларусі. Найлепшыя каманды атрымаюць падарункі ад Турысцкай кампаніі “Віаполь” і ад сеткі турыстычных крамаў “Актыўная зона” і AlpinePro.
Кошт квітка: 230.000 рублёў
Тэлефоны для даведак: +375177020602, Vel +375291903149; MTC +375295510851, +375292366166
http://afisha.tut.by/other/kvest_dvanaccac_apostalau/ 
